A Xunta informa negativamente o proxecto dun centro de xestión de residuos en Lousame

0

Lousame, 24 de maio do 2018 – A alcaldesa de Lousame, Teresa Villaverde, celebra o anuncio da declaración de impacto ambiental negativa sobre o proxecto de instalación dunha planta de xestión de residuos e vertedoiro no municipio, presentado por Gestora de Residuos del Noroeste.

Villaverde asegura que o anuncio da Dirección Xeral de Calidade Ambiental e Cambio Climático denegando o permiso a planta de xestión de residuos “danos á razón ao Concello de Lousame cando presentamos un informe técnico fundamentado en datos e que demostra que o proxecto tiña graves carencias e era irrespectuoso co noso concello, co noso territorio e coa nosa paisaxe”.

Villaverde celebra que a Consellería de Medio Ambiente “se apoiara no informe elaborado polo Concello de Lousame para emitir esta declaración de impacto ambiental negativa” a un proxecto que cualifica como “irrespectuoso co noso territorio”. Así mesmo, anuncia que o Concello estará vixiante durante os próximos 15 días por se a empresa presentara algún tipo de alegación e reitera que “o importante é que se fixeron as cousas ben, e nos satisfai saber que dende a Xunta contrastaron os informes que lle enviamos dende o Concello”. Neste sentido, lembra que “nós queremos empresas que se instalen en Lousame, pero sempre que sexan respectuosos co noso territorio”.

Detalles do informe

O Concello de Lousame presentara en outubro de 2016 un informe técnico no que recollía os múltiples defectos que contiña este proxecto e que finalmente remataron por botalo atrás. Entre os puntos máis salientables figuran:

Non contempla mananciais de auga que si existen no terreo e só ten en conta o terreo no que se emprazaría a planta, pero non o terreo que o circunda. “Hai unha captación de augas veciñal que din que non existe e que si que está aló”, apunta a alcaldesa, quen lembra que ese regato “é un afluente que vai ao río Vilacoba, e vai á captación na Albariza e desemboca nun Lugar de Interese Comunitario, polo que é grave que non o teñan en conta”.

Non existen medidas correctoras no caso de fallo na impermeabilidade dun espazo de 50.000 m2. O proxecto só contempla pozos de control para detectar se hai contaminación pero non inclúe como corrixilo.

Non busca o menor impacto na paisaxe, xa que vai aos máximos que permite a tecnoloxía.

Ademais de non reflectir captacións de augas sobre o terreo, o proxecto fala dunha rede municipal que non existe.

A fosa de saneamento das instalacións está mal dimensionada, xa que está proxectada para 4 persoas, cando na planta haberá 13 traballadores fixos e quendas doutros 11 traballadores.

Non hai un estudo sobre a fauna e a flora da zona. A referencia que se fai parece sacada dun catálogo calquera, non dun estudo sobre o terreo.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial