A Baña en feminino

0

A Baña, 26 de xaneiro do 2021 – O concello da Baña pon en marcha unha iniciativa co nome de A Baña en feminino que ten como obxectivo visibilizar á muller.

Serán doce vídeos, un por mes, con 12 protagonistas en representación da veciñanza da Baña. O primeiro xa publicado corresponde as declaracións da mestra xubilada Dolores Allo Davila.

O proxecto culminará no Día da Muller do 2022, o 8 de marzo, cunha homenaxe ás doce protagonistas. A Baña en feminino márcase como obxectivo prioritario reivindicar a igualdade de xénero.

Dolores Allo

Dolores Allo e natural e veciña da Castiñeira na parroquia de San Vicenzo. Foi mestra do CPI San Vincente e comeza esta serie coincidindo coa celebración o pasado luns, 24 de xaneiro, do Día Internacional da Educación.

No vídeo, de cinco minutos de duración, Dolores Allo fala das dificultades que tiñan que sortear rapazas e rapaces do rural para poder estudar ou do control que se exercía sobre as mozas cando entraban na adolescencia fronte á liberdade da que desfrutaban os mozos. “Os homes podían facer o que quixeran, mentres que as mulleres lles controlaban con quen se relacionaban e onde ían”, sostén. 

 

O proxecto A Baña en feminino continuará durante todo 2021 coa publicación na canle de Youtube e do Facebook do Concello doutros once vídeos, un por mes, nos que se lles dará voz a outras veciñas do municipio que se desempeñan en diversos eidos.

O obxectivo final da iniciativa é visibilizar as mulleres bañenses dentro dunha contorna rural que aínda é predominantemente machista, así como promover a igualdade de xénero e propiciar a reflexión na sociedade sobre cal é a situación actual da muller.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial