A Baña, Vimianzo e Zas en contra do peche das oficinas de Abanca

0

Bisbarra, 17 de agosto do 2021 – Os Alcaldes de Zas, Vimianzo e A Baña solicitan unha entrevista co Presidente da Xunta de Galicia para evitar o peche de oficinas de Abanca

O Alcalde de Zas, Manuel Muíño, en representación da Alcaldesa de Vimianzo, Mónica Rodríguez; e do Alcalde de A Baña, José Antonio Pereira; vén de realizar a solicitude dunha entrevista co Presidente da Xunta de Galicia, Alberto Núñez Feijóo. O obxectivo abordar o peche das oficinas de Abanca situadas en Zas, Baíñas e A Baña e intentar que medie para que a entidade bancaria reconsidere a súa decisión.

O rexedor de Zas sinalou que “Queremos ter unha reunión con Feijóo para que nos axude e se poña á fronte das reivindicacións. É o presidente de todos os galegos e galegas, polo que debe de atender a petición de defender aos nosos veciños. Ademáis ten unha responsabilidade moral dado que o Estado saneou a banca dándolle máis de 7.000 millóns de euros de todos os cidadáns”.

Nunha rolda de prensa os tres alcaldes explicaron a súa postura e avanzaron as medidas de presión que pensan tomar. Consideran que o Goberno galego é o único con capacidade para “falar de ti a ti” coa entidade financeira.

Tal e como souberon polos propios empregados de Abanca e polos veciños, a entidade ten previsto pechar as oficinas de Zas, Baíñas e A Baña o vindeiro 8 de setembro. Este peche afecta directamente a unhas 10.000 persoas tanto destes concellos como doutros limítrofes.

Os rexedores teñen en marcha medidas conxuntas entre as que figuran:

–  Solicitar unha reunión co Presidente da Federación Galega de Municipios e Provincias (Fegamp), Alberto Varela

– Establecer contactos con algún ministro do Goberno de España que teña competencias na materia e con deputados do parlamento galego

– Manter unha reunión con responsables de Abanca

– Estudar a posibilidade de emprender accións legais

– Recollida de firmas nos tres concellos

– Convocar unha manifestación ante a sede de Abanca

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies