A Casalonga periga mentres os políticos discuten

0

Teo, 2 de setembro do 2021 – Na última semana distintos comunicados marca o posicionamento dos grupos sobre o problema da Casalonga máis o debate aclara pouco.

A Plataforma da Casalonga advertía hai pouco das toneladas de residuos xa depositadas no oco da canteira. Pese a esta presunta ilegalidade o debate segue a ser sobre quen fixo máis ou menos.

O BNG preguntou ao goberno central si era coñecedor da situación da canteira. A resposta era lembrar que as competencias en materia de residuos é das comunidades autònomas, así como o seu control e vixianza.

O portavoz nacionalista en Teo, insiste na necesidade de cambiar as lexislacións nacional e autonómica “como levamos dicindo dende o principio a única solución definitiva pasa por cambiar estas normativas”. Aproveita para culpar a Psoe e Unidas Podemos por non telo feito. A cuestión é si os cambios chegarían a tempo á Casalonga.

Máis cerca, no Parlamento Galego, a deputada socialista Noa Díaz acusa á Xunta de connivencia coa empresa e denuncia “trato de favor á empresa ao aprobar un plan de restauración que non recolle o estado actual da canteira e o inicio dunha expropiación dun vial que é de uso veciñal dende hai anos”. Díaz engade “desconfiamos de que a restauración prevista sexa forestal, cando quen a vai realizar vai ser unha empresa de xestión de residuos”.

Os dous grupos posiblemente teñen algo de razón no seus posicionamentos pero mentres tanto a canteira da Casalonga en xeral, e a lagoa en particular, seguen ameazadas. Despois de tantos anos, de tantos recursos e denuncias, de manifestacións e protestas, o xulgado parece a única vía. Á Casalonga tocalle seguir esperando porque o xudicial non é un camiño rápido. A cuestión é: que pasará na canteira mentras tanto?.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial