A Deputación estuda melloras en Val do Dubra

0

Val do Dubra, 20 de xaneiro do 2021 – O alcalde de Val do Dubra, José Manuel Varela, desprazouse á Deputación para estudar co presidente da mesma, Valentín González, melloras para o concello.

Na reunión traballouse en concreto na mellora da seguridade viaria en Val do Dubra. na reunión participaron tamén os deputados provinciais Blas García e Antonio Leira e o tenente de alcalde, Óscar del Río.

Entre outras cuestión, o alcalde destacou a necesidade de construír unha rotonda na estrada que dá acceso ao futuro parque empresarial de Bembibre. Tamén se pediu a mellora da seguridade nun “punto negro” deste mesmo vial, á altura do quilómetro 19, onde se teñen producido varios accidentes.

O presidente da Deputación solicitou ao rexedor que remita o proxecto da rotonda para o seu estudo por parte dos técnicos do servizo de Vías e Obras e comprometeuse a buscar unha solución para mellorar a seguridade no punto de concentración de accidentes.

González Formoso e José Manuel Varela abordaron tamén a colaboración entre ambas institucións a través de programas coma o Plan Único, que este ano destina 732.266 euros ao municipio, dos que 128.633 se destinarán a apoiar ao concello no incremento do gasto social derivado da pandemia.

Máis de 1 millón de euros en obras do Plan Único

Neste momento, o concello ten en fase de contratación ou a punto de adxudicar dez obras do Plan Único da Deputación correspondentes ás anualidades de 2019 e 2020, que suman preto de 1,1 millóns de euros e contribuirán a mellorar diversas infraestruturas municipais. Estas obras son: mellora das instalación da piscina municipal, reparación da base de Protección Civil, acondicionamento das parcelas de Braña dos Allos e rúa Muíños, mellora dos núcleos de Novexilde, Quintáns e Estebande, mellora de viais en Pedragosa-Barral, mellora de viais en Bembibre, pavimetación da rúa Rueiro Portomuro, entre outras.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial