A Maía xa ten festa da historia

0

Bisbarra, 15 de xuño do 2021 – Altamira brilla converteuse esta fin de semana na primeira festa da historia da Maía, Unha colaboración entre os concellos de Brión e Ames e a Deputación da Coruña.

“Altamira Brilla” levou a recreación da historia e a música ao monumento de Brión. Unha iniciativa que, segundo anuncia o deputado de Patrimonio da Deputación da Coruña, Xosé Luís Penas, regresará o próximo ano, agarda, “co esplendor que o acontecemento merece”.

Despois de que o pasado ano a pandemia obrigara a cancelar a convocatoria, as Torres de Altamira acolleron esta fin de semana a primeira festa histórica da comarca, que rememorou a épica batalla e celebrou o seu 550 aniversario. “Foi un día memorable mais aínda limitado pola situación que vivimos mais agardamos que o vindeiro ano poda xa celebrarse en todo o seu esplendor, sen máis límite de público que o que o espazo permite e con vontade de que a comarca recupere un feito histórico de especial relevancia no país”, sinala o deputado de Patrimonio, Xosé Luís Penas.

A festa central desenvolveuse o día 13 de xuño, xusto na xornada en que se conmemoraba o 550 aniversario da batalla que se desenvolveu en 1471 nas propias Torres de Altamira. A compañía Os Quinquilláns fixo regresar ao público a batalla que enfrontou os poderes do arcebispo de Santiago e os das liñaxes de fidalgos que emerxeran o século anterior.

A festa completouse coa participación de Baiuca cunha pequena mostra do concerto previsto xa que, debido á treboada que a esa hora se produciu na comarca, houbo que interromper.

Penas confía en que este ano sexa fundamental para o desenvolvemento do proxecto de plan director das Torres que converta o monumento “nun lugar vivo, de cultura activa e un referente monumental de toda a comarca e de todo o país, como escenario de historia e tamén de actividades singulares nun entorno de especial relevancia patrimonial”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial