A nova EDAR de Porto do Son un pouco máis cerca

0

Porto do Son, 5 de marzo do 2021 – A Xunta avanza no proxecto da nova Edar de Queiruga, en Porto do Son, co fin de licitar e adxudicar as obras neste ano.

O Delgado provincial da Xunta, Gonzalo Trenor, informou ao alcalde de Porto do Son, José Luis Oujo, dos avances nos trámites desta obra nun encontro de traballo. O investimento na nova instalación está próximo aos dous millóns de euros.

A Consellería de Infraestruturas e Mobilidade, a través de Augas de Galicia, está a ultimar o proxecto e cando o Concello de Porto do Son leve a cabo a tramitación previa de posta á disposición dos terreos e a información pública procederase a súa licitación.

O delegado da Xunta explicou que as actuacións proxectadas pretenden mellorar o sistema de saneamento existente mediante a construción dunha nova Edar no lugar da Ponte. Ademais proxéctase unha nova rede de colectores de augas residuais, tres estacións de bombeo e dúas impulsións para a condución das augas ata a nova Edar. Tamén se inclúe a execución de dous colectores de augas pluviais.

De acordo coa alternativa proposta, a rede de Queiruga estaría composta por un total de 10 colectores, 8 por gravidade e 2 por impulsións. Tamén son precisas 3 estacións de bombeo nos lugares de Tarrío, Seiras e A Ponte. En total prevese a construción dunha rede de colector de augas residuais, pluviais e impulsións que suman máis de 5.300 metros de lonxitude en total. Trenor recalcou que “a nova instalación suporá un gran avance para a rede de saneamento dos principais núcleos costeiros de poboación do municipio”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial