A presenza de Xela Arias inunda Teo

0

Teo, 13 de maio do 2021- O concello de Teo da protagonismo a Xela Arias para conmemorar o Día das Letras Galegas de este ano.

A Área de Lingua de Teo busca visibilizar a figura de Xela Arias cunha serie de accións que abarcan todo o concello. Ler á poetisa homenaxeada é estes días algo posible en distintos puntos do pobo. O obxectivo e levar o traballo de Xela Arias á cidadanía de Teo.

En diferentes zonas de paso da cidadanía colocaranse vinilos pegados no chan ou en paredes de múltiples zonas. Serán seis modelos de vinilo e en cada un deles aparece un fragmento da súa obra ou frases que a autora emitiu e que definen a súa forma de pensar. Ademais, cada vinilo terá impreso un código QR, co que a persoa que o abra poderá ver á autora en directo en diferentes actos ou recitais.

Xela Arias foi unha creadora, editora, tradutora e mestra defensora do idioma e traballadora pola normalización da lingua galega. Xela é ademais unha voz feminina que reivindica e transgride os postulados de xénero creados na época na que viviu, a sociedade dos anos 80 e 90, principalmente na cidade de Vigo. Renovadora da poesía en estilo e forma e tradutora de grandes clásicos ao galego co fin de prestixiar o galego como lingua literaria universal. Unha voz singular no paradigma literario galego.

Este soporte físico impulsado desde Teo pretende ser o punto de partida para que as persoas interesadas indaguen sobre a obra de Xela Arias e afonden nos seus pensamentos. Un dos textos de Xela di “Escribo en galego porque estou aquí e, desde logo, Galicia pertence, aínda, aos derrotados”.

O concello convida ademais a todo o mundo a facerse fotos cos textos de Xela Arias e subilas á rede coa etiqueta #letrasgalegasTeo.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial