A Xunta aposta polo Barbanza

0

Bisbarra, 2 de decembro do 2020 – O Barbanza ven de recibir un importante impulso desde a Xunta de Galicia coa reforma dos pantaláns de Noia e a sinalización dos Camiños de Santiago.

Os pantaláns e fingers de Noia reciben cerca de medio millón de euros de investimento e os novos recursos turísticos vinculados ao Camiño 22.000. A Conselleira do Mar visitou o peirao do Testal mentres que Nava Castro, directora de Turismo de Galicia, achegouse a Corrubedo.

260 embarcacións beneficiadas

A Consellería do Mar, a través de Portos de Galicia, ten aberto o proceso de licitación para a contratación das obras de reforma e mellora das instalacións aboiantes do porto de Testal, no municipio coruñés de Noia, unha actuación que beneficiará ás máis de 260 embarcacións pesqueiras que utilizan estas instalacións.

O proxecto inclúe a instalación dun sistema electrónico de control de acceso para reforzar a seguridade da frota. A apertura e peche destas portas controlarase por parte dos usuarios a través dos seus teléfonos móbiles. Finalmente, tamén para reforzar a seguridade das instalacións, balizarase a punta da liña de pantalán.

Estas obras, contan cun prazo de execución previsto de catro meses desde a súa contratación e especificou que rematou recentemente a presentación de ofertas con 10 propostas.

Nova sinalización para o Camiño

O Faro de Corrubedo foi o lugar escollido para a presentación oficial da sinalización e posta en valor dun novo recurso turístico na comarca do Barbanza, o camiño a pé que transcorre paralelo ao itinerario xacobeo da Ruta do Mar de Arousa e Río Ulla, no que a Xunta inviste mais de 22.000 euros.

Na contorna deste faro sitúase un dos seis novos paneis informativos que se presentaron nun acto no que participou a directora de Turismo de Galicia, Nava Castro, acompañada do presidente da Mancomunidade de Municipios Barbanza Arousa, Manuel Ruiz, a xerente desta entidade, Fátima Cachafeiro e os representantes da Asociación de Amigos do Camiño de Santiago do Barbanza e Sar “A Orixe”, Manuel Mariño e Manuel Antonio Villar.

O traballo de recuperación deste percorrido terrestre consistiu na instalación de 6 paneis informativos en lugares estratéxicos do camiño que pode facerse a pé seguindo o itinerario xacobeo da Ruta do Mar de Arousa e Río Ulla, que representa a “traslatio”, a chegada dos restos do Apóstolo a Galicia por mar, e que percorre Barbanza Arousa a través dos 4 portos xacobeos: Ribeira, A Pobra do Caramiñal, Boiro e Rianxo.

O itinerario continúa posteriormente polo interior da provincia a través do concello de Dodro cara á Santiago de Compostela, polo que este municipio tamén participou no proxecto aínda que non está inxerido da Mancomunidade, ata enlazar co Camiño Portugués en Padrón. O custo total do proxecto foi de 35.000 euros dos que o 65% foron investidos por Turismo de Galicia.

Ademais do instalado na contorna do Faro de Corrubedo, a sinalización complétase con outros cinco paneis situados nas diferentes etapas deste percorrido paralelo á ruta marítimo-fluvial pola ría de Arousa e o río Ulla, en Carreira (Ribeira); paseo marítimo da Pobra do Caramiñal; Cespón (Boiro); aldea de Quintáns (Rianxo) e aldea Bacariza (Rianxo). Cada panel, elaborado seguindo as indicacións e características do Manual de Sinalización da Xunta de Galicia, contén información dos recursos próximos e un código QR que redirixe á web de Barbanza Arousa na que se poden descargar os tracks deste recorrido e proximamente tamén un vídeo-mapping e toda a información necesaria para visitantes e peregrinos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial