Acordo entre Compostela Aberta e PSdeG Psoe para a aprobación dos orzamentos de Santiago

0

Compostela, 19 de xaneiro do 2022 – Acordo definitivo de Compostela Aberta e PSdeG Psoe para a aprobación dos orzamentos da cidade.

O documento foi asinado polos voceiros do Grupo Municipal Socialista, Sindo Guinarte; e de Compostela Aberta, Marta Lois. O texto fai referencia á necesidade de acadar acordos para superar a pandemia e engade que “mantivemos un diálogo construtivo, pensando sempre no interese do noso municipio, e na mellora das vidas das nosas veciñas e veciños”.

Nas conversas participaron tamén a concelleira de facenda socialista, Marta Abal, e a concelleira de Compostela Aberta María Rozas. O acordo en calquera caso so garante a abstención de Compostela Aberta xa que desde o grupo se considera que os orzamentos “seguen sendo pouco ambiciosos no que tén que ver coas políticas sociais e manteñen rebaixas en partidas fundamentais como a da Ordenanza de Garantía Básica”.

Tres eixes

O acordo, explican, pivota en torno a tres eixes moi concretos. O primeiro é no que se enumeran “cuestións fundamentais para a cidade” nas que existen puntos de encontro. Son as políticas sociais e de igualdade, as instalacións educativas, a mellora nos barrios, os investimentos no rural, os equipamentos deportivos, ou plan de reindustrialización.

O segundo eixo, recolle medidas como a integración da Praza do Matadoiro no Parque de Belvís, a cuberta do pavillón municipal do CEIP Quiroga Palacios, parques biosaudables, a humanización do Campus, o plan de accesibilidade universal càra a mellora da accesibilidade e eliminación de barreiras arquitectónicas dos distintos barrios da cidade. En canto ao terceiro dedícase aos novos acordos, incorpórase unha partida para a “Vía verde de Compostela”, retómanse os orzamentos participativos e impulsaráse un “Plan municipal de canguraxe”, que son algunhas das demandas de Compostela Aberta xunto cun  plan de melloras nos CEIPs e diferentes investimentos nos barrios e no rural,

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies