Algo se move na Casalonga

0

Teo, 18 de xaneiro do 2022 – A reunión entre a Plataforma Casalonga Limpa de Residuos e responsables de minas abre a porta a novas reunións.

O máis sorprendente do encontro é que fora solicitado polo ex concelleiro Manuel Parajó. Despois dunha hora e media de reunión a Plataforma da Casalonga e os responsables da Xunta coincidiron na necesidade de que nos encontros particpen concello e empresa.

Por parte de minas participaron o xefe territorial de Economía, Emprego e Industria da provincia, Isidoro Martínez, e o xefe do servizo de Enerxía e Minas, Juan José Iglesias.

Restauración e expropiación

Os presentes trataron os dous piares do conflito. O plan de restauración presentado pola empresa e a expropiación da `pista que bordea a canteira da Casalonga. As diferentes posturas sobre o estado no que se atopa a zona foi motivo de tensión xa que os funcionarios baseanse nos papeis presentados e o colectivo veciñal na realidade.

A Plataforma acabou por invitar aos responsables a que se achegaran para ver in situ as condicións na que se atopa. Entregaron tamén unha carta dirixida ao Presidente da Xunta, Alberto Núñez Feijoo, na que explican a problemática e o invitan tamén a visitar o lugar.

Da reunión sae a intención de manter unha nova reunión na que participen tamén concello e empresa. Un primeiro paso para atopar unha solución que polo momento aínda está lonxe de concretarse.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies