Ames aproba inicialmente a regulación das terrazas

0

Ames, 31 de decembro do 2020 – O Pleno ordinario de decembro en Ames aprobou, inicialmente, a ordenanza reguladora das terrazas.

O regulamento é a normativa relativa á ocupación de dominio público e espazos privados de uso público por terrazas e elementos vinculados á actividade comercial e hostalería con fins non festivos. Unha normativa que afecta non só a restauración y que aprobou se cos votos a favor do grupo de goberno e dos concelleiros do grupo mixto, Quique Costas, de Ames Novo, e José Ramón Oulego, de Ciudadanos, e a abstención dos concelleiros/as do grupo municipal do PP.

Todos os grupos puxeron de manifesto a amplitude e complexidade de esta normativa. Dende o goberno local destacouse o traballo do servizo de Urbanismo que mantivo diversas conversas coas asociacións afectadas e os grupos políticos municipais. O Texto sufriu unha pequena variación no período de consulta pública e que consiste en que as licencias teñan vixencia coincidindo co ano natural.

Servizo de limpeza e xestión do punto limpo

Cos votos a favor do grupo de goberno e do concelleiro de Ciudadanos, José Ramón Oulego, e a abstención dos concelleiros/as do Partido Popular e de Ames Novo, Quique Costas, aprobouse a terceira modificación do contrato asinado con Urbaser SA, para a xestión da limpeza viaria e do punto limpo, e a quinta prórroga do contrato asinado con esta empresa polo prazo de 6 meses.

No Pleno do 29 de setembro de 2016 o Pleno acordou a modificación do sistema de prórrogas do contrato con Urbaser. Deste xeito, acordouse establecer 4 prórrogas polo prazo dun ano. Tendo en conta a última prórroga aprobada no pleno do 22 de novembro de 2019, o contrato estende a súa vixencia ata o 14 de xaneiro de 2021. Agora, aprobouse unha segunda modificación do sistema de prórrogas que pasaría a ser de 6 meses e que supón a terceira modificación do contrato. Deste xeito, aprobouse a quinta prórroga do contrato asinado con Urbaser polo prazo de 6 meses, que íría do 15 de xaneiro de 2021 ata o 14 de xullo de 2021.

Comisión de queixas, suxestións e reclamacións

A Corporación municipal aprobou por unanimidade a creación dunha Comisión especial de queixas, suxestións e reclamacións, tal e como se recolle no Regulamento orgánico municipal de participación cidadá. Dita comisión estará integrada por representes de todos os grupos municipais de forma proporcional a súa presencia no Pleno e co mesmo criterio que as comisións informativas permanentes.

Por outra parte, aprobouse de xeito definitivo a desafectación dun camiño público de 162,82 metros cadrados de superficie situado no lugar de Firmistáns, na parroquia de Bugallido. Asemade, farase a recepción formal de dito camiño desafectado e incorporarase ao inventario municipal de bens do Concello de Ames. O punto saiu adiante cos votos a favor do grupo de goberno e dos concelleiros do grupo mixto, e a abstención dos concelleiros/as do grupo municipal do PP, quen se amosou a favor da desafectación do camiño aínda que manifestou certa problemática coa incorporación ao inventario municipal.

Plan de prevención e defensa contra incendios forestais

Por último, a Corporación municipal aprobou por unanimidade o Plan municipal de prevención e defensa contra os incendios forestais do Concello de Ames, elaborado en coordinación entre os técnicos municipais e polo persoal de Servizos Agrarios Gallegos SA (SEAGA), como resultado da adhesión do Concello de Ames ao convenio de colaboración subscrito entre a Xuta de Galicia, a FEGAMP e SEAGA en materia de prevención e defensa contra incendios forestais. Con anterioridade xa existía un Plan de prevención e defensa elaborado no ano 2009 ao abeiro do convenio de colaboración coa Consellería do medio Rural. Unha vez finalizada a tramitación foi informado favorablemente pola Dirección Xeral de defensa do monte da Xunta de Galicia.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial