Ames lidera as reclamacións dos concellos de 20.000 a 50.000 habitantes

0

Ames, 18 de novembro do 2021 – Por iniciativa do concello de Ames reuníronse no Pazo da Peregrina os representantes dos 16 concellos de entre 20.000 e 50.000 habitantes que hai en Galicia.

O obxectivo era poñer en común as demandas e os problemas de estas vilas. Uns concellos que quedan na maioría dos casos fora das axudas das administracións. Están obrigados a ter os mesmos servizos que grandes vilas pero superan os requisitos por abaixo e non os alcanzan por arriba.

O alcalde de Ame, Blas García, foi o impulsor de esta xuntanza. Asistiron representantes dos concellos de Arteixo, Cambre, Cangas, Carballo, Culleredo, A Estrada, Lalín, Marín, Narón, Oleiros, Ponteareas, Porriño, Redondela, Ribeira e Vilagarcía.

Blas García explicaba ao remate do encontro os principais problemas cos que se atopan estes concellos

Alberto Varela, alcalde de Vilagarcía e presidente da Federación galega de Municipios e Provincias, lembraba que no 2008 se fixera unha reunión que non quedara en nada e poñía en valor este novo intento

As persoas participantes na xuntanza acordaron a elaboración dun documento inicial que asente as bases para futuros acordos entre os municipios. As 16 administracións convocadas representan máis do 16% da poboación galega.

O documento, que elborará a FEGAMP, será trasladado á Deputación, á Xunta e á administración do Estado explicando as singularidades destes 16 concellos, as súas problemáticas e as súas demandas. Ao longo desta semana os 16 concellos participantes poderán achegar peticións concretas e marcar os obxectivos que completen este documento.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial