Denuncian que Ames terá que licitar de novo o servizo de limpeza por erros na tramitación

0

Ames, 26 de xaneiro do 2022 – O Partido Popular de Ames denuncia que o concello terá que iniciar de novo a licitación a limpeza dos edificios municipais por errores na tramitación.

Os populares amienses lembran que no pleno de novembro no que se aprobou o Servizo de Limpeza pediron que “emendasen erros e recollesen especificamente en cada un dos lotes que o servizo de limpeza debería facerse diariamente”. A concelleira de facenda, Gemma Otero, respondeu que “no prego de prescricións técnicas que rexen a contratación xa se recolle, no apartado 7, as frecuencias e horarios dos servizos para os tres lotes e que especificamente ben como frecuencia diaria para os tres lotes a limpeza de aseos e vestiarios con concreción das tarefas a realizar diariamente”.

Agora, explica o PP de Ames, un grupo de empresas do concello “interpuxo un recurso especial ante o Tribunal Administrativo de Contratación Pública de Galicia e que argumenta que os pregos contiñan criterios de adxudicación que impedían ter toda a documentación necesaria para presentar ofertas polo que se vulneraron os principios de libre concorrencia, transparencia e igualdade de trato”.

Os populares explican que o concello “non tivo máis remedio que aceptar o razoamento de estas empresas e desistir do expediente de licitación e inicialo de novo”. O contrato tiña unha duración prevista de tres anos, podéndose prorrogar anualmente, e un orzamento total de 3.641.310 euros.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies