Novo Plan de Incendios para Ames

0

Ames, 14 de xullo do 2021 – O concello de Ames presentou no Pazo da Peregrina o novo Plan de Incendios que recolle o protocolo a seguir e os medios, propios e alleos, de que se dispoñe.

O Plan de Incendios 2021 foi presentado polo concelleiro de Medio Rural, Manuel Lens, a unha vintena de persoas de distintos departamentos e servizos. Lens estivo acompañado na presentación polo alcalde de Ames, Blas García, que destacou a implicación de Protección Civil “cuxo papel na loita contra o lume é fundamental na actualidade” e lembrou a formación específica para intervir en incendios que recibiu o persoal de esta asociación de voluntarios.

A Asociación de Protección Civil presentoun o traballo realizado na elaboración dun mapa das hidrantes de todo o concello. Segundo o responsable da agrupación, Juan Perez, este traballo está encamiñado a reducir o tempo de resposta ante un posible incendio. O estudo inclúe un mapa coas coordenadas GPS e unha lenda onde se describe o que se van atopar no lugar e o estado en que se encontra.

A Asociación de Protección Civil está formada por 33 voluntarios que se van a dividir en tres equipos de traballo. Xunto ao persoal humano destacan como novidades a incorporación dun equipo autónomo que permite converter puntos de auga en hidrantes, o material necesario para montar un posto de mando avanzado no lugar do incendio ou un vehículo todoterreo adaptado tanto ao transporte de materiais como á evacuación de persoas.

Coordinación de medios

A través deste plan artéllanse e organízanse os medios persoais e materias dos que dispón o Concello de Ames no operativo municipal de prevención de incendios. Os distintos equipos de intervención englóbanse en grupos de prevención, sanitario e acción social, transmisións e coordinación da operativa e de loxística e seguridade. Este último está formado por membros da Policía Local, a Garda Civil, Policía Autonómica, a brigada de obras, a Asociación de Protección Civil e de GES-Brión; mentres que o equipo sanitario e de acción social, inclúe traballadores/as sociais, médicos/as de atención primaria e voluntarias/os.

Como novidade, incorpóranse a este Plan de Incendios do ano 2021 o concelleiro de Administración Xeral, Víctor Fernández e o concelleiro de Medio Rural, Santiago Márquez.

O plan é unha folla de ruta que facilitará a actuación de cada un dos sectores implicados en caso de producirse un incendio no noso Concello e que ten como obxectivo unir esforzos na loita contra o lume.

Protocolo a seguir en caso de incendio

No protocolo establécense, ademais, tres tipos de situacións de emerxencia, segundo a magnitude do lume, os bens forestais e de natureza non forestal aos que afecten e as necesidades e medios que se precisen para atallalo.

As situacións segundo o nivel en que se atope o lume son pre-alerta, alerta e emerxencia. O plan define cada unha das fases e os pasos a seguir en cada unha delas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial