Ames propón un verán para refrescarse e reiniciar

0

Ames, 18 de xuño do 2021 – O concello de Ames presentou este xoves a programación de verán baixo o lema “Refréscate con Ames” e que comeza hoxe mesmo.

“Refréscate en Ames” é o resultado dunha colaboración transversal que implica ás concellarías de cultura e comercio. O nome xoga co concepto de refrescarse en verán pero tamén co informático de reiniciar, buscando un novo comezo tras a etapa de pandemia.

Na programación implícanse tamén departamentos como a Aula Informática, Deportes, Normalización Lingüística, as Bibliotecas, Mocidade, Promoción Económica, Benestar Social, Servizos Sociais e a Aula da Natureza, traballaron conxuntamente para ofrecer máis de 50 actividades: concertos, excursión, monólogos, obradoiros e actividades deportivas,  entre outras moias actividades para todas as idades.

Na presentación participaron o alcalde, Blas García, a concelleira de Cultura, Natividade García, e a de Promoción Económica, Ana Belén Paz. As actividades comezan hoxe venres co festival SolporSon. No campo da festa de Biduído actuarán, dende as 21.30 horas actuarán os grupos SonDaRúa, Verto e o grupo local de Ames Triska, que ensaian na Factoría. Trátase dunha iniciativa posta en marcha dende a Concellaría de Mocidade. Os convites xa están agotados.

Para despedir a programación de verán, levarase a cabo a Noite de Estrelas, no alto do San Marcos. Esta actividade, organizada pola Aula da natureza e dirixida a todos os públicos, celebrarase o venres 27 de agosto, dende as 20.00 horas ata as 24.00 horas.

Podes consultar máis información sobre a programación de verán de 2021 no seguinte enlace.

 

 

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies