Ames unificará a cociña dos comedores e a limpeza da louza

0

Ames, 25 de xaneiro do 2022 – O concello de Ames ven de presentar o proxecto que unificará a lavandería da louza que se usa a diario nos comedores coa cociña dos mesmos.

Esta central de lavado dos comedores escolares municipais re utilizará a antiga nave de obras en Bertamiráns, que acollerá un módulo para centralizar o lavado da menaxe dos comedores. Esta primeira actuación inclúese no programa de investimentos municipais Ames Progresa cun orzamento de 150.000 euros.

Na segunda fase do proxecto construirase a área da cociña central que terá unha superficie total de 888 metros cadrados, incluída a área de lavado. A Concellaría de Educación inicia desta forma a reutilización da nave de obras situada na avenida da Peregrina, en Bertamiráns, para acoller este módulo que supón centralizar a limpeza da menaxe dos sete comedores escolares nunha primeira fase no ano 2022, para logo abordar a centralización das dúas cociñas situadas actualmente no CEIP Agro do Muíño e na EEI do Milladoiro no ano 2023.

O pasado venres, 21 de xaneiro, o persoal do estudo Obradoiro Enxeñeiros realizou unha presentación do proxecto da central de lavado dos comedores escolares de Ames. A dita presentación acudiron o alcalde de Ames, Blas García, o concelleiro de Educación, David Santomil, a concelleira de Economía e Facenda, Genma Otero, a técnica municipal do departamento de Educación, Rosa Isabel García, e maila aparelladora municipal, Margarita Iglesias.

A zona que se construirá en esta primeira fase estará composta por unha zona de lavado, outra zona de entrada de sucio e suministros, un almacén para carros, un local de limpeza e lixo, e un local para máquinas. A unificación das cociñas, xa na segunda fase, disporá dunha área de cociña xeral e outra cociña específica para intolerancias, unha zona de frío para a elaboración de primeiros pratos, postres e pan; distintos almacéns; e cámaras frigoríficas; así como varias cámaras para a conservación do produto final; e dous vestiarios (feminino e masculino).

O concelleiro de Educación e Axenda Urbana, David Santomil, participou na presentación e visitou cos técnicos a nave onde estará situada a central de lavado dicindo que “as actuais dimensións da rede de comedores escolares municipais, con sete centros escolares e a construción dun novo colexio no Milladoiro require unha reorganización necesaria para seguir a garantir a calidade e o funcionamento da rede”.

O alcalde, Blas García, destaca “este é un investimento de importancia porque vai a garantir a calidade dos comedores escolares, xa que mellora e centraliza as instalacións existentes ata o de agora. Comezamos co centro de lavado para continuar coa construción dunha cociña única que centralice toda a elaboración dos menús, o que é un gran avance ademais de significar un aforro no funcionamento dos comedores”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies