Os artistas de rúa de Compostela din que a normativa lévaos a mendigar con licenza

0

Compostela, 26 de marzo do 2021 – O grupo de artistas de Compostela denuncian que a normativa provisional do concello equivale a pedir esmola con licenza.

Artistas de Compostela ven con satisfacción a oportunidade de volver as rúas pero denuncian que “a concellaría de Mobilidade continúa sendo opaca e misteriosa coa elaboración da norma definitivas para as nosas actividades. Seguimos sen poder reunirnos co concelleiro desde novembro de 2020, a pesares das numerosas peticións”.

O colectivo considera que a normativa provisional realizouse sen contar cos principais protagonistas e prexudica de xeito directo a pintores, músicos e outros artistas. Explican que a regra presenta medidas moi restritivas que non teñen que ver coa pandemia. Engaden que algunhas delas chegan a impedir na práctica o normal exercicio das actividades.

No comunicado considerase que varios epígrafes son humillantes e ofensivos cara os traballadores culturais “que por certo, cabe recordar, que levamos décadas traballando en Santiago de forma non regulada e sen poder legalizarnos como vendedores ambulantes; situación alegal permitida e promocionada polo Concello de Santiago”.

Os artistas levaron a cuestión ante a Valedora do Pobo, que se interesou polo problema, e pedirán a dimisión do concelleiro se non se chega a un acordo.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial