As eleccións estadounidenses nos Luns do Ateneo

0

Compostela, 19 de outubro do 2020 – Hoxe luns o Ateneo de Santiago ten programada unha nova conferencia de Os Luns do Ateneo, onde o coñecido comentarista político Antón Losada analizará as eleccións estadounidenses, baixo o título “USA 2020. O pesadelo americano”.

A cita cun novo Luns do Ateneo será como sempre as oito da tarde na Rúa do Vilar 19. Como é obrigado pola situación de crise sanitaria todo aquel que desexe asistir deberá inscribirse previamente no enderezo ateneo@ateneodesantiago.com. Para aqueles que non logren obter praza na sala de conferencias terán a opción de seguir o acto en directo a través do facebook da entidade.

Antón Losada é Doutor en Dereito pola Universidade de Santiago, profesor titular de Ciencia Política no departamento de Socioloxía e Ciencia Política desa universidade dende 1998 e ten un máster en xestión pública pola Universidade Autónoma de Barcelona. Participou en diversos parladoiros radiofónicos da Cadena SER e escribiu artigos no xornal electrónico Xornal.com, en La Opinión e El Periódico de Catalunya. A mediados dos anos noventa ocupou a dirección de Radiovoz en Madrid. Tamén ten colaborado en diversos programas de radio e televisión, entre os que destacan os programas humorísticos Unha de romanos e A familia Mudanza na TVG, a serie Composteláns dirixida por Xosé Manuel Pereiro, e foi o presentador do programa Bule Bule, dirixido por Antón Reixa. Compuxo letras para temas de Siniestro Total e Os Resentidos, así como unha peza de teatro, Qué é das dependentas dos grandes almacéns ó faceren os cincuenta?, para a compañía Pífano.

No ámbito político foi Secretario xeral de Vicepresidencia e de Relacións Institucionais no goberno bipartito presidido por Emilio Pérez Touriño e que tiña como Vicepresidente a Anxo Quintana.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies