O Ateneo lembra o centenario do pasamento de Emilia Pardo Bazán

0

Compostela, 2 de marzo do 2021 – O Ateneo de Santiago promove diversos actos conmemorativos do centenario do pasamento de Emilia Pardo Bazán.

Unha exposición no Colexio de Fonseca e a conferencia do vindeiro Luns do Ateneo son algunhas das actividades que se levarán a cabo para homenaxear a Emilia Pardo Bazán, precursora do feminismo e defensora dos dereitos das mulleres.

Exposición

No Colexio de Fonseca, este xoves día 4 ás 20.00h, terá lugar a inauguración da exposición ‘Dona Emilia e Compostela’. Para asistir a este acto é necesario inscribirse previamente no enderezo electrónico ateneo@ateneodesantiago.com.

A mostra, que estará aberta ao público ata o 24 de abril (de luns a sábado, de 11.00h a 14.00h e de 17.00h a 20.30h), ten como principal obxectivo amosar a presenza da escritora en Santiago de Compostela (visitas, estadías, relacións, amizades, lembranzas, testemuñas…), así como a pegada da cidade na súa obra (escenario de novelas e contos, crónicas e artigos xornalísticos, ensaios,  etc.).

Ademais, o Ateneo de Santiago organizará visitas guiadas á exposición todos os sábados, as cales estarán abertas á cidadanía previa inscrición no enderezo electrónico ateneo@ateneodesantiago.com.

Tamén está prevista a distribución do libro El vidrio roto, unha recompilación de 46 contos escritos pola autora e publicados durante os seus últimos vinte anos de vida nalgúns dos máis célebres xornais e revistas arxentinas, algúns deles especialmente dirixidos á comunidade galega. O libro inclúe unha introdución de José Manuel Gonzalez Herrán, Profesor da USC e membro da Xunta Directiva do Ateneo de Santiago.

Así mesmo, o vindeiro luns 8 de marzo, ás 20.00h e co gallo do Día da Muller celebrarase unha conferencia titulada «Dona Emilia entre a hostilidade e o ridículo», da man de Marina Mayoral, Académica de honra da Real Academia Galega, á cal, debido ás restricións sanitarias, só se poderá asistir por medio da plataforma Zoom, a páxina web www.ateneodesantiago.gal e as redes sociais do Ateneo.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial