Bernarda, de Malasombra Producións, este domingo en Silleda

0

Silleda, 26 de outubro do 2021 – O concello de Silleda acolle grazas ao programa FalaRedes a representación da obra Bernarda de Malasombra Producións.

A vita o domingo 7 de novembro en Bandeira, a partir das sete da tarde, no auditorio Manuel Dopazo. A obra Bernarda está inspirada no clásico de Lorca A casa de bernarda Alba. A aposta de Malasombra Produccións acadou varios premios Maria Casares o pasado ano e foi candidata a mellor espectáculo nos Premios Max a nivel nacional.

Protagonizada polas actrices galegas Luisa Merelas (coñecida por ter participado en series como Matalobos, e películas como Fariña e premio Maria Casares á mellor actriz en 2017): Celia González (que acadou o pasado ano o María Casares á mellor actriz secundaria con esta obra) e Esther Aja, a obra está escrita e dirixida polo autor naronés José Luis Prieto, que ten no seu haber varios premos Max.

O texto, para público adulto, traslada a escea á Galicia de 1975. A peza arranca cun plantexamento moi parecido ao da célebre obra de Lorca: unha muller queda viuva e imponse na casa o loito máis estrito. O conflito xeracional entre pais e fillos está tamén presente nesta obra, na que Luisa Merelas, unha das actrices galegas máis recoñecidas da súa xeración, da vida a esta Bernarda galega, nunha proposta na que tampouco falta o humor negro. A entrada ao espectáculo será libre ata completar aforo. Está recomendada para público adulto (a partir de 14 anos).

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial