Boqueixón renovará 232 luminarias nas parroquias

0

Boqueixón, 3 de febreiro do 2021 – O concello de Boqueixón adxudicou a renovación de 232 luminarias do alumeado público en distintas parroquias do municipio.

O cambio de luminarias obedece a un proxecto de mellora da eficiencia enerxética. A intención do concello de Boqueixón e continuar en distintas fases ata a renovación total dos 2.700 puntos de luz distribuídos polo seu territorio.

Economía máis sostible

Esta primeira actuación conta cun orzamento de preto de 130.000 euros. Está acollida á liña de axudas a proxectos de Economía Baixa en Carbono promovidos por Entidades Locais, cofinanciada polo Fondo Europeo de Desenvolvemento Rexional (FEDER) e xestionada polo Instituto para a Diversificación e Aforro da Enerxía (IDAE). O obxectivo final é conseguir unha Economía máis limpa e sostible. Do montante total do orzamento, Boqueixón aporta un 20%, mentres que o resto será asumido polo IDAE.

As obras comprenderán a renovación das instalacións de alumeado nas rúas e interior de núcleos rurais. Os núcleos nos que se levarán a cabo os traballos son O Forte (nos arredores da Casa do Concello), Ardesende, Camporrapado, Villalapaz e a Ponte, entre outros. O prazo de execución dos traballos estímase en seis meses.

As luminarias actuais serán substituídas por outras LED de última xeración e elevada eficiencia enerxética. O proxecto tamén prevé a reposición de 6 cadros de mando dos 130 existentes para adaptalos á normativa vixente nesta materia. “Deste xeito, estímase un aforro enerxético dun 68% nas instalacións afectadas por estas obras”, concreta o rexedor.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial