Camiñantes do noso, a visións dos maiores sobre o Camiño

0

Bisbarra, 2 de decembro do 2020 – A Xunta impulsa a serie documental ‘Camiñantes do noso’ que pon en valor a visión dos anciáns sobre o Camiño de Santiago.

O secretario xeral de Política Lingüística, Valentín García, participou esta na presentación de Camiñantes do noso, que conta co apoio do Fondo de Proxectos Culturais Xacobeo 2021 da Xunta de Galicia.

O secretario xeral de Política Lingüística, Valentín García, e o actor e produtor Rubén Riós, presentarán en rolda de prensa o proxecto Camiñantes do noso, pertencente ao Fondo de Proxectos Culturais Xacobeo 2021.

Camiñantes do noso, explicou García, “ten o acerto de poñer en valor o papel da xeración dos nosos anciáns e anciás na creación da Galicia presente e futura, en destacar todo o que nos transmitiron”. Fixo especial fincapé no papel que a lingua e identidade galegas teñen nesta produción audiovisual e en poñer ás antigas xeracións como modelo, “porque as xeracións máis novas temos a responsabilidade de recoller ese legado e entregarllo aos que veñen atrás nosa”.

Xunto co secretario xeral de Política Lingüística participou na presentación Rubén Riós, protagonista, autor e produtor do proxecto.

10 capitulos pola Vía da Prata

Camiñantes do noso, produción de Claqueta Coqueta é un documental en 10 capítulos no que o autor percorre a Vía da Prata desde A Canda a Compostela. Neste percorrido, vai buscando a maxia da mirada dos maiores das poboacións polas que pasa para destacar así a vontade, as ensinanzas, as tradicións e os recordos deste sector da poboación tan castigado pola pandemia da covid-19.

Os testemuños destas persoas xiran en cada programa arredor dun tema, como o Camiño de Santiago, o abandono rural, a soidade, a actual crise sanitaria, a familia, o orgullo galego, a violencia de xénero ou o emprendemento empresarial. A través da visión deles, ponse en valor a identidade galega que se foi creando arredor da cultura e da lingua que nos transmitiron.

Os 10 capítulos de Camiñantes do noso iranse publicando semanalmente a partir do vindeiro venres, e ata o 5 de febreiro de 2021, no Portal da Lingua Galega, onde xa se pode ver un adianto.

 

Fondo de Proxectos Culturais Xacobeo 2021

O Fondo de Proxectos Culturais Xacobeo 2021, ao que pertence Camiñantes do noso, é un repositorio de contidos creativos de interese cultural en lingua galega creado pola Xunta de Galicia no marco do Plan de reactivación do sector cultural fronte aos efectos derivados da covid-19. O devandito repositorio, integrado por contidos tanto virtuais coma presenciais, así como por outros servizos de materiais e produción, persegue os obxectivos de dinamizar a lingua propia de Galicia, inxectar fondos e apoiar artistas, creadores e empresas do eido cultural no contexto da crise da covid-19 e abrir unha vía para a continuidade, viabilidade e visibilidade da oferta e do consumo de propostas lingüísticas e culturais.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial