Casalonga, expropiando esperanzas

0

Teo, 12 de maio do 2022 – A inscrición rexistral da pista que rodea a canteira da Casalonga,, pola empresa propietaria da explotación, abriu unha borrasca sobre os actores que buscan recuperar o espazo para os veciños.

Si por unha banda o concello, o equipo de goberno, repite que esta era unha batalla secundaria, que non se da por perdida; pola outra a Plataforma non oculta o seu enfado e a súa decepción.

A oposición critica a inacción pero en este bando tamén as actitudes son dispares. Si o grupo socialista sacou unha nota de prensa moi dura coa actitude do alcalde, sorprende o silencio de BNG e Partido Popular ante unha situación que politicamente é un problema para Son de Teo que ten a responsabilidade de gobernar.

Unha das marchas pola pista da canteira

A loita continúa na Casalonga

Ao marxe das interpretacións do sucedido, todos coinciden en que a loita por recuperar a canteira continúa.

Jaime García, presidente da Plataforma Casalonga Limpa de Residuos móstrase preocupado xa que a pista era o único xeito de manter un control sobre as accións que a empresa faga na canteira

García acusa ao concello de oscurantismo e considera que foron tratados como “tontos” por non explicarlles a situación. Espera ademais que o equipo de goberno publique algún comunicado onde explique a situación como fixo con outras novas relacionadas co problema

Con todo asegura que a loita continúa e que a Plataforma ten claro o camiño a seguir 

Un tema secundario

O alcalde de Teo, Rafa Sisto, explica que a pista sempre foi un tema secundario e que en calquera caso seguirase a vía civil para recuperar o vial e será axustiza a que decida

Preguntado porque non se respondeu á comunicación do catastro, na que se daba prazo para alegar, é rotundo “non facemos o parvo”

Sisto cre que a loita seguirá bastante tempo e non cre na posibilidade dunha negociación e considera que “a única vía é a resistencia”. O alcalde non está disposto a que a recuperación dos terreos serva para enriquecer á empresa

Un capitulo máis nunha novela na que non se pode apagar o televisor ou pechar o libro porque é real. A loita dos veciños por recuperar un espazo que mudou de canteira en lagoa de xeito natural. Pode ser o peche dunha tempada na que os bos parecen perder, esperemos que no primeiro capitulo da seguinte, xa que este mes foi o día da Guerra das Galaxias, haxa unha nova esperanza.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies