Compostela decide a que dedicará os remanentes

0

Compostela, 18 de novembro do 2020 – O concello de Santiago celebrou un pleno extraordinario no que aprobou o destino dos remanentes, a modificación de crédito para o Plan de Sostibilidade Turística e o inicio da modificación do PXOM para regular as vivendas turísticas.

Os cartos destinaranse ao pagamento de sentenzas, á realización dunha serie de investimentos no ámbito urbano e rural, e para a concesión de axudas no ámbito da cultura, do comercio e a hostalería local. O importe total é de 9.501.325,45 euros, financiados cos remanentes de tesourería para gastos xerais do exercicio 2019.

O alcalde, Xosé Sánchez Bugallo, destacou que Compostela é o segundo concello de Galicia, despois de Vigo, que aproba o expediente para a utilización do remanente. O rexedor desculpouse pola celeridade na tramitación, pero indicou, “creo que os nosos veciños o necesitan, e creo que vostedes o cren tamén”. A proposta saíu adiante cos votos a favor do grupos socialista e popular e coa abstención de Compostela Aberta e BNG.

Obras esperadas

Estes investimentos permitirán, entre outras obras, a adecuación da rúa do Hórreo para a súa adaptación ao novo espazo intermodal por un importe de 610.000,00 €. O acondicionamento de parcela para o aparcadoiro exterior da rúa Altiboia na súa primeira fase por 208.907,95 euros. O acondicionamento do campo da festa do Castiñeiriño para usos polivalentes por 467.968,40 ou a rexeneración do pavimento da calzada da avenida de Asturias por 517.204,47 € e a renovación do céspede do campo de fútbol situado a carón do Sergas cun investimento de 568.267,15 €.

Plan sostibilidade turística

O pleno tamén aprobou, cos votos a favor dos grupos socialista e popular e as abstencións de Compostela Aberta, e BNG, o expediente modificativo de crédito cun importe de 200.000 euros para a achega neste do 2020 por parte do Concello ao do Plan de Sostibilidade Turística de Santiago de Compostela. A aportación municipal total será de 1.000.000 de euros, divididos en tres anualidades.

Modificación titulo iii do PXOM

Tamén se aprobou, neste caso cos votos a favor do grupo socialista, Compostela Aberta e BNG e coa abstención do PP, a solicitude de inicio da avaliación ambiental da modificación puntual do título III do Plan Xeral de Ordenación Municipal, sobre regulación de usos, que inclúe como novidade no PXOM a ordenación dos aloxamentos temporais, entre os que se atopan as vivendas de aluguer turístico, primando o uso residencial.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial