Demandan a recuperación do edificio do Museo do Pobo da Estrada

0

A Estrada, 16 de xullo do 2021 – O BNG da Estrada ven de denunciar o o estado de abandono no que se atopa o antigo Museo do Pobo do concello.

Trátase do Museo Reimóndez Portela para o que, según os nacionalistas, se buscaban solucións hai tres anos. A voceira do Bloque, Susana Camba, cualifica de “desastre” a situación na que se atopa o edificio e todo o que contén.

Camba di que o Museo “continuará pechado e rodeado dunha frondosa selva de todo tipo de flora que a día de hoxe rodea o museo. A este paso, un museo etnográfico como este poderá converterse nun parque temático da flora e fauna local; en resumo: un desastre que demostra o nulo interese do PP pola historia e tradicións do noso concello e polo inxente traballo de persoas, como Reimóndez Portela, que recolleron todo o material que alí hai”

Susana Camba engade que “en reiteradas ocasións pedimos que se abra ao público o museo, mesmo presentamos unha moción., mais a día de hoxe o Museo é un edificio abandonado, por dentro e por fóra”.

Os nacionalistas aseguran que “o PP estradense é un xenocida cultural e patrimonial, que só ten ollos para o cemento, unha actitude, que contrasta con outros gobernos municipais do PP, nos que teñen algo máis de reparo co noso patrimonio”.

“En todo caso”, afirma a concelleira, “desde o BNG instamos ao goberno municipal a coidar o noso patrimonio e a abrir o Museo do Pobo Estradense”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial