Demandan que o concello de Brión axilice as licitacións

0

Brión, 12 de xaneiro do 2021 – O BNG de Brión demanda que se axilicen as licitacións e execucións no concello ante o deterioro do emprego.

Casa do concello de Brión

O grupo nacionalista basea a súa demanda no dato de que Brión é unha das localidades onde máis caeron as contratacións no último ano. O BNG di que “observa con preocupación a caída no número de contratos no último ano (-1543), un descenso moi superior ao que sería esperábel en función da poboación (case 8000 habitantes)”.

O BLoque engade que estes daos son “moito peores ca os doutros concellos situados na mesma faixa de poboación, como Negreira ou Melide (-1105 e -1081, respectivamente), e similares aos de municipios moito máis poboados, como Santa Comba (-1844) ou Ordes (-1789)”.

O papel do sector público

En opinión do BNG de Brión, a pandemia “non pode ser unha escusa” e pídelle á Administración local que “elimine atrancos e burocracia» para favorecer que o sector público sexa un dos motores que dinamice a actividade no concello.

O concelleiro nacionalista, Xosé Penas, e tamén Deputado provincial de contratación e di que “cada contrato non formalizado son postos de traballo e persoas con nomes e apelidos”.

Pola súa parte, o voceiro municipal do BNG, Tito Souto, salienta que o esforzo das Administracións ten que “ser maior, se cabe, debido á urxencia da situación económica en que nos atopamos”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial