Feira virtual da Edición e o Libro Ilustrado este sábado en Santiago

0

Compostela, 15 de xaneiro do 2021 – A Deputación da Coruña organiza este sábado en Compostela a Feira da Edición e Libro Ilustrado que debido a pandemia será virtual.

Esta feira forma parte da Mostra Internacional de Ilustración Contemporánea. A Deputación organiza a FELiiC, sen publico pero con emisión online, na sede de Afundación co obxectivo de “facilitar o acceso nun momento en que as restricións sanitarias impiden a circulación entre concellos”.

O programa que arrincará ás 12.30 horas co coloquio coas persoas gañadoras dos Premios Castelao de Banda Deseñada da Deputación da Coruña. Intervirán Alberto Vázquez e Martín Romero, autores de “A Caza” e “Uxío”, gañadores na edición de 2019 na categoría xeral e infantil, respectivamente. Tamén estarán Begoña Garcia Alén e Andrés Magán, que conseguiron con “Adeus amigos”, e “As aventuras de Passer P. Malta” os premios na edición do pasado ano nas dúas modalidades. O acto será moderado polo deputado de Cultura da Deputación da Coruña, Xurxo Couto.

Couto destaca que se trata “dun programa de grande interese que porá en valor o traballo que se está a desenvolver no ámbito da ilustración e, de maneira especial, o altísimo nivel de autores e autoras que, como os gañadores do premio Castelao que convoca a Deputación da Coruña, están a ter unha grande relevancia no sector”. O Deputado de Cultura fai tamén fincapé no papel que a convocatoria anual do premio de banda deseñada supón á hora de dar a coñecer novos nomes de creadores e creadoras e publicar un conxunto de títulos de calidade para os que, en boa parte dos casos, o certame supón unha plataforma de difusión.

Ás 18:00 horas o programa continuará cun coloquio coas ilustradoras que aparecen no libro Women´s Club: Art is Powerful, da editorial Monsa, Verónica Grech e Coco Escribano.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial