A Deputación financia unha senda peonil entre A Polveira e Chaián, en Trazo

1

Trazo, 4 de abril do 2017 –  A Deputación da Coruña colabora co Concello de Trazo para construír unha senda peonil entre o lugar de Porto e o desvío a Castiñeiras, que se enmarca nun proxecto máis amplo para dotar á zona dunha beirarrúa de preto de 2 quilómetros que enlazará A Polveira coa praia fluvial de Chaián.

Praía de Chaían en Trazo

O último Pleno provincial, celebrado o pasado venres 31 de marzo, aprobou o convenio de colaboración mediante o cal a institución provincial achega 55.500 euros, aproximadamente o 75% do custo total destas obras. O resto, ata chegar a 73.809 euros, será aportado polo Concello.

Os fondos provinciais sufragarán a construción deste tramo de 330 metros de senda peonil co obxectivo de mellorar a seguridade viaria e de facilitar o tránsito a pé entre as distintas vivendas e locais existentes.

A nova senda terá unha anchura comprendida entre 1,8 e 2 metros, estará pavimentada en formigón e contará con bordos para maior seguridade. Para executala, realizarase unha escavación do terreo, que posteriormente encherase con 50 centímetros de solo seleccionado e 25 cm. de zahorra artificial.

Grazas a estas obras, tamén se conseguirá unha ampliación do ancho da calzada de 50 centímetros, nos que se estendera unha capa de zahorra e un tratamento superficial de tres resgos asfálticos.

Así mesmo, o proxecto financiado pola Deputación inclúe a execución de redes de drenaxe e pluviais e de abastecemento e a instalación dun tubo de PVC para poder pasar os cables do alumeado nun futuro.

Share.

1 comentario

  1. Dinheiro atirado, posso entender que o governo autárquico de Traço solicite esta estupidez, são do PP e sempre gostaram do cimento em vez da natureza. Mas que o Governo provincial lhes contribua dinheiro para isto, quando o melhor para caminhar é a terra, não o compreendo. Fico à espera de ver ao Dafonte, presidente da câmara municipal de Traço dando uso do passeio, não só no dia da inauguração.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial