En exposición pública os proxectos eólicos de Troitomil e Sete Fontes

0

Bisbarra, 18 de outubro do 2021 – Saen a exposición pública os proxectos de parques eólicos de Troitomil e Sete Fontes que afectan aos concellos da Baña e Negreira.

No caso de Troitomil exponse o proxecto de liña de alta tensión entre A Baña e Outes. Permanecerá nas dúas casas do concello por un período de trinta días e tanto A Baña como Negreira animan aos veciños a presentar alegacións e colaboraran con eles.

Por outra banda sométese a información pública o Estudo de Impacto Ambiental do parque eólico de Sete Fontes, que afecta aos concellos de Negreira e Outes. O proxecto contempla a instalación de nove aeroxeradores, rede subterránea de evacuación, subestación elevadora de tensión e liña de alta tensión. O período de exposicion é tamén de trinta días.

No portal da Delegación do Goberno pódense consultar todas as instalacións eléctricas sometidas a exposición pública no seguinte enlace.

Preocupación das asociacións

A semana pasada os colectivos Plataforma Quijote de Outes, Asociación Fonte Seca, Plataforma As Salgueiras, Asociación ambiental Petón do Lobo, Asociación galega Cova Crea e Plataforma veciñal O Cerqueiral emitían un comunicado onde mostraban a súa preocupación polos proxectos da bisbarra.

Os representantes vecñais acusaban á Xunta de Galicia de dar “trato de favor aos clústers empresariais e a vulneración flagrante do dereito de participación e de información pública dos proxectos”. Engadían que a publicación de 12 proxectos industriais en apenas un mes e medio “dificultan os dereitos de información e participación pública da cidadanía”.

As asociacións volvían a poñer o acento na “división artificiosa” dos parques para un mesmo ámbito xeográfico e alertaban das consecuencias da instalación de muiños de 200 metros de altura a 500 metros das casas e que afectan, en algúns casos, a espazos da Rede Natura.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial