Frades e Mesía recibirán axudas para a elaboración de plans de emerxencia contra a seca

0

Bisbarra, 13 de xaneiro do 2021 – A Xunta de Galicia ven de informar dos 20 concellos que recibirán unha axuda para a creación dun plan de emerxencia ante a seca, entre os que están Frades e Mesía.

A Consellería de Infraestruturas e Mobilidade prevé que neste ano 40 municipios terán os seus documentos preparados para poder anticiparse a situacións de seca. Os concellos recibirán ata o 80% do custo da elaboración e cubrirá as actuacións realizadas desde o 1 de xaneiro de 2020. Frades percibirá 14.229,6 € e Mesía 14.229,6 €.

É a segunda convocatoria desta iniciativa de colaboración cos concellos nas súas competencias, para que se doten dunha ferramenta básica de planificación e anticipación para garantir o abastecemento de auga á poboación. Con estes incentivos búscase que cada sistema de abastecemento dispoña do seu propio plan de emerxencia fronte á seca e teña claro como actuar ante unha situación de alerta. As axudas son, ademais, compatibles co cofinanciamento que acheguen outras administracións públicas, como as deputacións provinciais.

Cómpre lembrar que a Lei de garantía de abastecemento de auga, aprobada pola Administración autonómica e que entrou en vigor o pasado mes de xaneiro, establece un prazo de 2 anos para que os concellos de menos de 20.000 habitantes elaboren plans de emerxencia fronte á seca.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial