Hostalaria.gal esixe que se eliminen todas as medidas restritivas

0

Bisbarra, 28 de xaneiro do 2022 – A recen creada Asociación Hostalería.gal denuncia que as medidas que propón aplicar a Xunta de Galicia seguirán causando un prexuízo económico ao sector.

A Asociación de Hostalería, que acolle a máis de 80 empresas de Santiago e comarca, móstrase en contra da continuidade de calquera medida restrictiva en horarios ou aforos.

Hostalería.gal denuncia que dous anos despois do comezo da pandemia o sector “segue sometido a limitacións que non permiten traballar na legalidade establecida das nosas licenzas, tanto en horarios coma en límites de capacidade”.

Explican que estes atrancos provocaron a desaparición de centos de empresas e de miles de postos de traballo. A día de hoxe “a situación segue a manterse de xeito inexplicable, con consecuencias tremendamente negativas para o sector e para o conxunto da economía galega, dado o peso específico que a nosa actividade ten no Produto Interior Bruto (PIB)”.

O colectivo pon como exemplo a caída das pernoctacións nun 38 % a respecto de 2019. Hostalaria.gal esixe a eliminación de todas as medidas restritivas que din “teñen demostrado ser totalmente ineficaces a respecto dos contaxios por Covid-19. A pesar das numerosas imposicións que supoñen unha dificultade no desenvolvemento da nosa actividade, o número de contaxios desta sexta onda foi enorme, o cal demostra que o camiño das limitacións aplicadas de xeito case exclusivo ao noso sector non dá resultado”.

Hostalería.gal reclama “con urxencia que o goberno da Xunta teña disposición ao diálogo co conxunto do sector co fin de artellar medidas que freen a destrución de empresas e de postos de traballo”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies