Negreira, 17 de novembro do 2017 – No serán de onte xoves remataba o pesadelo de Jorge Tuñas que retornaba a alcaldía de Negreira despois de 7 meses.
Tuñas dimitira do cargo ao abrirse xuízo por unha denuncia do Partido Popular. O PP presentara esa denuncia hai anos nos xulgados de Negreira pero non fora admitida a trámite. Anos despois volveu a presentar a denuncia e en esta ocasión si se admitiu abríndose finalmente un xuízo hai 7 meses.
Cando no 2015 o Psoe gañou as eleccións Jorge Tuñas comprometeuse con Ciudadanos a dimitir do cargo si se abría xuízo e así o fixo. Quedou no seu posto Manuel Ángel Leís que o mércores dimitía para permitir a volta de Tuñas.
Este verán quedaba listo para sentencia o proceso quedando Jorge Tuñas absolto das acusacións.
José Manuel López de Ciudadanos explicou que a actitude do seu partido permitiu reparar o honor de Jorge Tuñas e pediu a medios de comunicación e políticos que tomaran nota do sucedido
O pleno o pechou o xa alcalde Jorge Tuñas. Na súa intervención dixo que levaba seis anos esperando este momento
No capitulo de agradecementos quixo lembrar ao seu partido, o Psoe, e ao novo Secretario Xeral, Gonzalo Caballero, presente no pleno
Pero un dos momentos máis emotivos foi cando lle dou as gracias a Manuel Ángel Leis, o alcalde durante os últimos sete meses, e a Ciudadanos polo comportamento exemplar. Jorge Tuñas quixo tamén advertir que non se pode caer na estratexia do Partido Popular de embarrar a política
O salón de plenos estivo cheo e ademais do mencionado Secretario Xeral, Gonzalo Caballero, puidose ver ao ex alcalde de Santa Comba, José Antonio Ucha, ou ao antigo Secretario Xeral da Baña, Enrique Vázquez.
Jorge Tuñas co Secretario Xeral do Psoe Galego, Gonzalo Caballero, e a concelleira María Jesús Veiga
