Lousame aposta por un entroido en igualdade

0

Lousame, 12 de febreiro do 2021 – A pandemia mudo todas as festas pero tamén avivou o enxeño como no caso do concello de Lousame que este ano propón un entroido en igualdade,

Os departamentos de Cultura, Igualdade e Deportes do Concello de Lousame uníronse para crearesta iniciativa. O entroido en igualdade busca unir, de xeito virtual como obriga a situación, o tradicional entroido coa celebración do Día Internacional da Muller.

Polo concello disfrazados

Os participantes deberán disfrazarse e buscar sete paneis con palabras chave sobre igualdade para facerse unha fotografía nestes espazos. As palabras estarán dispostas en sete puntos de interese do concello de Lousame: Tállara, nos muíños de Carantoña; Lesende, no pozo do Capitán; San Xusto, na ponte de madeira de Toxosoutos, fronte ao albergue; Vilacova, na vagoneta das Minas de San Finx; Fruíme, no busto de Diego A. Cernadas de Castro, no adro da igrexa; Camboño, na capela da Gorgosa e Lousame, nos muíños de Brandia-.

As fotografías deben enviarse posteriormente ao igualdadelousame@gmail.com e nesta mensaxe haberá que detallar o nome e apelidos do participante ou participantes e un teléfono de contacto. As persoas que envíen o correo deberán ser maiores de idade e asumir que o Concello de Lousame publicará as imaxes enviadas nas redes sociais. O prazo para participar comeza o vindeiro 13 de febreiro e remata o 7 de marzo. O día 8 publicarase a lista de todos os participantes para proceder ao sorteo.

Os participantes poden enviar fotografías diferentes con unha, tres, cinco ou sete palabras-chave e en función do número de imaxes que envíen entrarán en distintas categorías do sorteo. Todos os que envíen sete imaxes participan no sorteo de tres vales por importe de 200 euros; entre os que envíen cinco fotografías sortearanse tres vales de 150 euros; os que adxunten tres imaxes diferentes poderán optar a gañar un dos tres vales de 100 euros e aqueles que envíen unha única fotografía optarán a un dos 10 vales de 50 euros. Todos os vales poden trocarse en establecementos de venda de material deportivo. 

A proposta,  coa que se pretende sensibilizar sobre a igualdade entre homes e mulleres, diríxense ás familias e ten carácter lúdico, posto que conxuga o tempo de lecer do entroido coa actividade física e co coñecemento do patrimonio natural e cultural do municipio.

Silvia Agrafojo, concelleira de Cultura, explicou que “esta iniciativa é froito dun intenso traballo multidisciplinar entre os distintos departamentos municipais. O obxectivo era propoñer unha actividade orixinal coa que animar estas datas de Entroido e, ao mesmo tempo, contribuir á consolidación dos valores de igualdade que conmemoraremos o vindeiro 8 de marzo”.

Related Images:

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial