Máis seguridade policial para o concello de Oroso

0

Oroso, 25 de outubro do 2021 – O delegado do Goberno en Galicia, José Miñones, e o alcalde de Oroso, Luís Rey, acordaron reforzar a presenza policial no concello para manter a actual garantía da seguridade pública.

A decisión parte dunha petición do goberno de Oroso. Nunha reunión na Delegación do Goberno, Miñones e Rey analizaron a situación actual no concello. O delegado do Goberno reiterou que se trata dun concello seguro e que a coordinación entre as forzas de seguridade é intensa e frutífera.

José Miñones garantiu o traballo da Garda Civil, que dará continuidade ao intenso esforzo que realiza o Concello coa Policía Local. Ambos mandatarios coordinaron o dispositivo de seguridade e acordaron un reforzo para vindeiras datas.

A maior presenza policial servirá para ter un maior control sobre temas concretos como os ruídos nocturnos ou actos puntuais de vandalismo.eta. O delegado do Goberno lembrou que o índice de criminalidade en Oroso é 17,3 infraccións penais por cada 100.000 habitantes, case a metade da taxa galega situada en 29,7 e moi por debaixo da do conxunto do Estado, que é de 39,2. Isto amosa que Oroso é un dos concellos máis seguros.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial