Melloras nas estradas de catro aldeas de Brión

0

Brión, 6 de agosto do 2021 – Unha sesión extraordinario do pleno municipal de Brión aprobou unha modificación de crédito de 81.000 euros destinados á mellora viaria de catro aldeas do concello.

Son dous proxectos que atinxen ás aldeas de Cabo, A Graña, Ombre a Ardións. O primeiro dos plans pertence ao Complementario 2021 e o segundo será financiado con fondos propios.

A primeira parte dos traballos afecta aos lugares de Os Anxeles e Cornanda. Anchearase as estradas nas aldeas de Cao e A Graña cun investimento que supera os 283.000 €.

Por outra banda o Concello de Brión investirá 47.655,25 euros de fondos propios na mellora de camiños en Ombre (Viceso) e Ardións (Luaña).

Piscina e festivos locais

A sesión plenaria acordou fixar o xoves 26 de maio (Ascensión) e o martes 27 de setembro (Santa Minia) como festivos locais para o ano 2022. Finalmente, aprobouse a continuidade da actual empresa concesionaria da piscina municipal de Brión, cuxo contrato remata o vindeiro 15 de agosto e non é prorrogable.

O Concello de Brión, co respaldo da actual concesionaria (Aquafit), fará uso dunha das cláusulas do contrato asinado hai dez anos polo cal a empresa concesionaria poderá estar xestionando a piscina municipal mentres se decide se se saca de novo a concurso ou se o Concello asume a xestión directa da instalación, cun prazo límite de 6 meses. O alcalde, Pablo Lago, explica que “valoraremos a posibilidade de xestión directa das instalacións da piscina municipal”.   

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial