Xosé M. Núñez Seixas fala do Pazo de Meirás nos Luns do Ateneo

0

Compostela, 19 de marzo do 2021 – O Pazo de Meirás será o eixe central da conferencia que este luns acolle o Ateneo, impartida por Xosé M. Núñez Seixas, Catedrático de Historia Contemporánea da USC.

O evento do Ateneo comezará coma sempre as oito da tarde. O título da charla é “De ditadores e tumbas. Unha ollada sobre o uso histórico dos lugares de memoria totalitarios, 1945-2020”.

Acontecementos como a exhumación de Franco do Val dos Caídos o pasado 2019 ou a recente expropiación do Pazo de Meirás á familia Franco abriron o debate sobre que facer cos lugares de memoria vencellados intimamente á biografía dos ditadores e como resignificalos. O conferenciante tratará estes asuntos cunha perspectiva comparada, pois non é un debate exclusivamente español, senón que é aplicable a outros países europeos.

Xosé M. Núñez Seixas é Catedrático de Historia Contemporánea na USC e Doutor de Historia Contemporánea polo Instituto Universitario Europeo de Florencia. Forma parte dos consellos de redacción das revistas Historia Social e Passato e Presente. Ademais, dende 2018 é Vicepresidente do Consello da Cultura Galega. Está especializado no estudo comparado dos nacionalismos europeos e ibéricos, así como nos estudos migratorios e na historia cultural da violencia.

Debido ás restricións sanitarias, a esta conferencia só se poderá asistir por medio da plataforma Zoom, a páxina web www.ateneodesantiago.gal e as seguintes redes sociais do Ateneo:

Youtube: Ateneo de Santiago
Facebook: Ateneo Santiago
Twitter: @AteneoSantiago

As preguntas para o coloquio posterior poderán facerse a través de Zoom e enviarse ao WhatsApp do Ateneo 622 274 110.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies