O Pino aproba o orzamento 2021

0

O Pino, 31 de decembro do 2020 – O pleno municipal aprobou o orzamento do concello do Pino para o ano 2021.

O orzamento do Pino aprobouse co voto a favor do Partido Popular, a abstención de BNG e o voto en contra do Partido Socialista. Serán 4.089.000 de euros dos que máis da metade se destinarán a bens correntes e servizos.

Partidas

A partida destinada a servizos sociais e promoción social é a que máis aumenta (un 9,76%) respecto aos presupostos de 2020, debido as dotacións extraordinarias financiadas a través do POS+ adicional da Deputación.

O Concello contará con 735.698 euros no capítulo de investimentos, e outra partida similar para gastos de persoal. Debido a que o Concello non ten débedas bancarias, os gastos financieros representan só 200 euros.

O alcalde, Manuel Taboada, asegurou que o goberno municipal presenta para o 2021 un “orzamento estable, sostible e sen débeda, o que demostra o compromiso do goberno municipal de manter unhas contas saneadas, sen menoscabo de manter a calidade duns servizos municipais de calidade”.

O portavoz socialista criticou que as contas non presenten a relacións de obras e que diminúen o investimento real, “que se centra en asfalto e farolas”, motivo polo que o portavoz solicitou que quedara sobre a mesa ata que se aprobe a relacións de obras do POS 2021.

Manuel Taboada replicoulle que os investimentos reais destinaranse ás obras que son máis necesarias para a veciñanza, e que o Concello seguirá licitando obras con fondos propios.

Mocións

O grupo socialista presentou tres mocións: para apoiar ao comercio e a hostalaría local coa venda de bonos, para reparar locais sociais e outra para promover actos culturais e unha homenaxe a Luis Seoane. As tres foron rexeitadas polo equipo de goberno alegando que O Pino foi o primeiro concello en promover unha campaña de apoio ao comercio local e en establecer axudas directas aos autónomos. O alcalde tamén engadiu que no capítulo de obras xa se están a reparar aqueles edificios e centros públicos que demanda a veciñanza. Na terceira moción, tanto o alcalde como a concelleira de Cultura responderon que Luis Seoane xa foi nomeado fillo predilecto do Pino, que se organizou unha exposición na súa honra e que se está a colaborar asiduamente coa fundación que leva o seu nome.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial