O PP de Teo propón que o concello asuma a restauración da Casalonga

0

Teo, 19 de agosto do 2021 – O Partido Popular de Teo ven de emitir un comunicado no que propón que  concello sexa o que asuma a restauración da canteira da Casalonga.

Os Populares piden que o concello asuma o plan aprobado pola Xunta e cre “un gran espazo medioambiental de xestión pública en Casalonga”

O Partido Popular non explicita de que xeito se podería facer o concello co lugar. Fontes consultadas por Lindeiros avanzan que ese será o seguinte debate, atopar unha fórmula para que o concello pilote a restauración.

Ven con bos ollos a garantía financeira solicitada pola Xunta e os controis quinquenais da restauración. Consideran así mesmo que o uso forestal dos terreos é unha boa nova.

O voceiro do PP de Teo, José Manuel Guerra, convida ao Goberno bipartito a que “abandone dunha vez por todas a confrontación política estéril, que non leva a nada, e se poñan a traballar polo pobo”. “O alcalde, Sisto, e a concelleira, Lemus”, engade Guerra, “non se fían das mans nas que queda o plan de restauración?… pois, a solución está clara: que o asuma o propio Concello”.

Os Populares lembran que ano 2019 o pleno do Concello aprobara por unanimidade unha moción do Partido Popular para modificar o Plan Xeral de Ordenación Municipal (PXOM) e que, nese mesmo ano, a voceira municipal do PSdeG comprometérase a xestionar co Goberno central unha remuda da normativa estatal. “Pero, nin unha cousa, nin a outra, se ten producido. Ese era o auténtico compromiso da señora Lemus; agora se lle presenta unha nova oportunidade”.

O problema sobre a proposta de modificación do PXOM é que pasa por unha caducidade da concesión. Cos permisos vixentes calquera modificación do Plan Xeral terá que ser revisado pola Dirección Xeral de Minas e quedará supeditado ao mantemento da explotación.

A anulación da concesión mineira por caducidade é unha das reivindicacións da Plataforma e do concello. A priori os mesmos informes nos que se ampara a resolución emitida pola Xunta, e que autoriza o plan de restauración, servirían para devolver o espazo á titularidade pública.

+ Info no seguinte enlace

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial