O Xacobeo 2021 – 2022 protagonista da moeda de colección de 30 €

0

Compostela, 25 de novembro do 2021 – A Fábrica Nacional de Moeda e Timbre dedica este ano a peza de 30 euros ao Xacobeo 2021 – 2022.

A Real Casa da Moeda emite desde 1994 unha Moeda de Prata de 30€ que se dedica a conmemorar o acontecemento ou efeméride máis relevante do ano.

A dedicada ao Xacobeo ten a particularidade de que o público a poderá adquirir sen sobrecusto, unha excepción única ata o de agora. Este tipo de pezas sempre teñen un valor superior cando se poñen a venda que soe superar os 50 euros.

A presentación desta moeda desenvolveuse no Salón Nobre do Concello de Santiago a cargo de José Miñones, delegado do Goberno en Galicia; Isabel Valldecabres, directora xeral da Fábrica Nacional de Moeda e Timbre-Real Casa da Moeda; Román Rodríguez, conselleiro de Cultura; e Xosé Sánchez Bugallo, alcalde da cidade.

O acto de presentación iniciouse cunha intervención en vídeo da vicepresidenta primeira e ministra de Asuntos Económicos e Trasformación Dixital, Nadia Calviño, que destacou os valores compartidos entre a moeda e o camiño, esperando que a moeda sexa o “símbolo desa senda de progreso que habemos de percorrer xuntos”.

Os artistas e profesionais da FNMT- RCM quixeron reflectir nesta moeda a importancia do camiño, como punto de encontro, reflexión, cambio e superación. Esta moeda forma parte das achegas do Estado á celebración do Xacobeo 20-21, e forma parte das actividades programadas polo Consello Xacobeo.

Para a distribución desta moeda cóntase desde 1994 coa colaboración altruísta das oficinas da gran maioría das entidades financeiras española, que son imprescindibles para facilitar a posta ao dispor da moeda de 30€ ao público, e en definitiva para a viabilidade do proxecto.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial