Os artistas de rúa acusan ao goberno de Compostela de discriminación

0

Compostela, 11 de marzo do 2021 – Os artistas de rúa de Compostela reclaman que se lles permita volver á actividade e denuncian a discriminación fronte a outros colectivos.

Os artistas de Compostela veñen de emitir un comunicado no que lembran que realizan actividades ao aire libre que son compatibles con todas as medidas de seguridade e da que viven moitas familias.

Desinformación

O concello de Santiago decidiu marcarse un prazo de xaneiro a marzo para que a concellaría de mobilidade creara un novo regulamento. O comunicado acusa ao goberno municipal de opacidade sobre a nova normativa das actividades de rúa. Explican que “meses despois do último comunicado que emitimos, en novembro do ano pasado, e a piques de rematar o prazo para o novo regulamento seguimos desinformados e marxinados sen ter ningunha información sobre a nova normativa”.

Sen reunións

Acusan de xeito directo ao concelleiro Gonzalo Muiños ” tras numerosas peticións de reunión xa non é que non se nos convocara, e que non recibimos resposta algunha”. Os artistas o acusan tamén de desigualdade con respecto a outras actividades de rúa como as de venda ambulante, as castañeiras ou os de xeados “con quen nos consta que se reuniron”.

O colectivo lembra ao concello que “somos cidadáns que estamos sendo vetados da posibilidade de ter voz e acceso á información que durante tantos anos desenvolvemos nas rúas de Compostela”.

Os artistas esixen unha reunión informativa “temos dereito a que se nos informe e se nos responda as nosas peticións”. Acusan tamén ao concello de priorizar outras actividades como “a venda de souvenirs de importación, de escaso valor engadido e enfocada ao turismo de masas”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial