“Os libros da nosa vida” en Teo

0

Teo, 19 de abril do 2021 – A Concellaría de Cultura de Teo programa a mostra “Os libros da nosa vida” para celebrar o Día do libro.

“Os libros da nosa vida” estará exposta no Auditorio Constante Liste, na Ramallosa. Pódese visitar desde este luns, 19 de abril, ata o vindeiros día 24.

Segundo explican dende a área de Cultura “nunha época profundamente tecnificada, o obxecto libro segue a manifestarse como un formato de extraordinaria resistencia e vixencia, malia non ter xa o monopolio na divulgación do saber e o coñecemento”.

A mostra “Os libros da nosa vida” propón unha viaxe por algunhas obras que acompañaron a distintas xeracións e a relación que estas tiveron con elas. Está formada por unha pequena escolma de volúmenes pertencentes ás bibliotecas municipais que se consideran significativas na formación de persoas lectoras ó longo dos últimos anos.

A mostra divídese en distintas seccións como os libros que nos formaron como lectores no que se verá unha selección de edicións infantís e xuvenís que marcaron os hábitos lectores. Alí están dende as aventuras de Teo ata as viaxes dos Bolechas, de Antoñita la Fantástica ao Diario de Greg.

Outro dos espazos é o dedicado aos libros para coñecer o mundo. En este apartado atopamos libros de texto e informativos que permitiron abrir as mentes ó coñecemento. Manuais editados en distintas épocas sobre os máis diversos temas e que funcionan como a pegada dos cambios na visión que tivemos do mundo que nos rodea.

Libros para coñecer outros idiomas. Diferentes métodos de aprendizaxe de idiomas e obras noutras linguas que configuraron a nosa relación con outras culturas e países.

Libros que fan voar a imaxinación. Obras que a través da súa edición e formato amosan o coñecemento con deseños orixinais. Libros de distintos tamaños, con ilustracións artísticas, despregables, con sons incorporados…

“Trátase pois dunha restrospectiva que agardamos que esperte a curiosidade e estamos seguros de que a moitas das persoas que a visiten traeralles altas doses de nostalxia” indica a concelleira Mayte Argibay.

Os horarios de visita serán de luns a venres de 09:00 a 14:00 horas. O venres 23 tamén poderá visitarse en horario de 17:00 a 19:00 horas e o sábado 24 o horario será de 11:00 a 14:00 horas.

Paralelamente a esta actividade realizarase unha solta de libros no Auditorio Constante Liste. Estará formada por libros doados ás nosas bibliotecas e que por adecuación ás coleccións ou duplicidade non pasarán a incorporarse aos fondos municipais. Estes libros poderán levarse de balde sen necesidade de devolvelos.

As soltas serán o venres 23 de 17:00 a 19:00 horas e o sábado 24 de 11:00 a 14:00 horas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial