Os plenos da Baña e Ordes aproban os plans da Deputación

0

Bisbarra, 29 de xaneiro do 2021 – Os concellos da Baña e Ordes aprobaron en pleno os plans da Deputación destinados a obras e gasto social.

Os concellos da provincia teñen de prazo ata o 5 de febreiro para enviar as propostas para os novos POS da Deputación. Os distintos plans deben ser aprobados antes nas sesións plenarias.

Tenso debate en Ordes

O pleno da pasada noite en Ordes estivo marcado por unha actitude desafiante do alcalde que aproveitou para cargar contra a Deputación da Coruña.

Ante unha pregunta do socialista Fernando Viqueira sobre as obras elixidas para o POS o alcalde, José Luís Martínez, explicou que se levaban “proxectos do 2017, 2018 e o complementario do 2020 porque a Deputación non os quixera financiar no seu día”.

O enfrontamento con voceiro do BNG foi incluso maior: Os nacionalistas criticaron de xeito especial o desvío de máis de 300.000 euros a gasto corrente “xa que non sabemos a que se destinaran”. O alcalde argumentou que co gasto corrente fixéranse moitas obras e atacou ao voceiro do BNG, Pablo Vidal,  chamándolle “mentiroso” e dicindolle que “non aguantaba que se fixera unha boa xestión mentres se dedicaba as carreiras nocturnas con máscara”.

Finalmente o Plan de Obras foi aprobado coa abstención de Psoe, UXO e BNG e os votos a favor do PP. O Plan de gasto social conseguiu a unanimidade de toda a corporación para saír adiante.

Unanimidade nas obras da Baña

O POS da Baña foi consensuado entre o Psoe e o PP. Compromiso por Galicia explicou que non presentara propostas xa que as previstas por eles estaban incluídas nas do Partido Popular. Os tres grupo votaron a favor do POS que aprobouse, en consecuencia, por unanimidade.

Non sucedeu o mesmo no Plan de gasto social. O equipo de goberno socialista quería destinar unha partida a reforzar o departamento de servizos sociais, algo que PP e CxG non consideraron necesario e optaron por destinar esa parte a gastos de emerxencia social. Compromiso solicitou informes dos expedientes tramitados nos dous últimos anos polo departamento para valorar si ese reforzo era necesario.

A proposta de PP e CxG saíu aprobada cos votos de estes partidos mentres que a opción d equipo de goberno foi rexeitada.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial