Piden a limpeza da contorna da igrexa de Santa Marta en Compostela

0

Compostela, 21 de setembro do 2021 – O grupo Municipal Popular de Santiago pídelle ao goberno municipal a limpeza e mellora da contorna da igrexa de Santa Marta.

A vicevoceira popular, María Castelao, levará a petición ao vindeiro pleno ordinario. Reclaman que se realicen labores de roza na finca colindante coa igrexa de santa Marta así como a súa limpeza e mellora do firme de acceso.

Castelao lembra que “no mes de xullo do ano pasado xa presentamos unha iniciativa na que dabamos traslado do malestar pola falta de limpeza e mantemento dos arredores da igrexa parroquial e da rúa Emilia Pardo Bazán, onde se asenta tamén un centro educativo”.

Naquel momento, o Grupo Municipal Popular xa expresaba que nesa zona “acumúlase maleza, deteriórase o firme e require unha actuación en consonancia do que representa para o conxunto do barrio”.

María Castelao subliñou que a concelleira de Medio Ambiente adiantou en xullo de 2020 que se ían adoptar “medidas urxentes” para adecuar a contorna da igrexa de Santa Marta. “Pasado máis de un ano, a situación segue a ser practicamente a mesma” explica.

A concelleira popular inscribe esta nova proposta no conxunto de iniciativas coas que, desde o inicio do mandato, “vimos advertindo da necesidade de levar a cabo distintas actuacións que poñan remedio ás constantes demandas da veciñanza da zona que reclaman atencións e servizos básicos que solucionen as carencias que padecen desde hai moito tempo”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial