Piden que se repare o Centro Médico e Padrón e a Aula Cemit

0

Padrón, 25 de outubro do 2021 – O Bloque Nacionalista Galego de Padrón ven de presentar un escrito reclamando reparacións no Centro Médico e a Aula CEMIT.

Os nacionalistas demandan tamén unha avaliación da situación na que se atopan as instalacións municipais e un plan de mantemento. No escrito consideran as reparacións no centro médico e no CEMIT moi urxentes e piden que se fagan de xeito inmediato.

Teito da aula CEMIT

As deficiencias en estas instalacións xa foran denunciadas en anteriores ocasións. O BNG considera que a falta de investimento para o mantemento e coidado das instalacións municipais fixo que os problemas foran a máis.

No Centro Médico a sala de fisioterapia presenta goteiras, o falso teito estase desfacendo e o chan presenta irregularidades e gretas que dificultan a limpeza e desinfección. Material sanitario como camillas e outro mobiliario presentan roturas e desprenden mal olor.

Estado dunha camilla no centro médico

A Concelleira do BNG, Bea Rei, explica no escrito presentado no Concello, que outra instalación con desperfectos é a sala do CEMIT, onde o falso teito está desaparecido. Este desperfecto, entre outros, foi notificado ao Concello fai xa un ano sen que fora solucionado.

O BNG, acompañou o escrito con fotografías do Centro de Saúde e da aula do CEMIT que mostran claramente o estado de deterioro e abandono de ambas instalacións.

Bea Rei espera que o Goberno tome nota e, non só arranxen os desperfectos de estas instalacións, senón que ademais revisen as demais dependencias e cumpran co seu mantemento. Con esta finalidade, a concelleira nacionalista, demanda unha avaliación sobre a situación das instalacións municipais e un plan de mantemento. Piden tamén que se dea prioridade ás instalacións con maior afluencia de público como colexios, centro médico, biblioteca, ou pavillóns polideportivos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial