Reclaman solucións ao caos da feira de Touro

0

Touro, 19 de xaneiro do 2021 – O concello de Touro celebra o cinco de cada mes unha feira en Fonte Díaz que convirte o núcleo nun autentico caos.

A Marea Veciñal o denuncia cunha imaxe que é bo exemplo das queixas. Coches e camións rozando cos postos e o espazo mínimo para os peóns, unha clara situación de risco no contexto de pandemia actual.

Solicitude de ordenanza

A Marea Veciñal de Touro esíxille ao alcalde, Ignacio Codesido, que “exerza dunha vez por todas as súas competencias e prepare unha ordenanza municipal para regular a celebración da feira”.

A normativa municipal permitiría, explican,  “situar os diferentes postos do mercado dun xeito lóxico e non como ocorre até o de agora que mesmo se ocupan espazos como a entrada do centro de saúde, dificultando a entrada de pacientes e o estacionamento das ambulancias en caso de emerxencia”.

Para o partido veciñal é “unha anomalía que despois de tantos anos celebrándose a feira non exista unha ordenanza municipal regulatoria, algo insólito que ocorre en poucos concellos de Galicia e que deixa en evidencia a vagancia crónica e incompetencia do goberno local”.

Para a Marea de Touro o que impera “é o caos, tanto para os veciños que acoden ao centro de saúde como para os que pasean pola feira”. Alertan tamén da perigosidade que supón a  combinación de tráfico pesado e viandantes. Neste senso demandan unha ordenación do tráfico que evite unha desgracia.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial