Preocupación na Casalonga pola posibilidade de que se reinicie a actividade na canteira

0

Teo, 9 de novembro do 2020 – Os veciños da Casalonga alertan de novos movementos da empresa Toysal na caneira e pola visita dunha enxeñeira de minas da Consellería.

A Plataforma Casalonga Limpa de Residuos explica nun comunicado que esta semana os terreos onde se situa a lagoa foron visitados por unha funcionaria da Consellería de Medio Ambiente. Esta visita de inspección tería que ser anual pero os veciños din que ” levan 20 anos sen facela, e aparecen agora”. A Inxeñeira de Minas estivo acompañada por traballadores da empresa Tragsa que traballa para a Consellería en tarefas de vixianza medio ambiental.

Responsables da Plataforma chegaron a falar coa enxeñeira no que cualifican comom unha “conversa tensa”. Algúns veciños explican que a funcionaria chegou a pedir a policía local que os identificara e  “deixou entrever que Medio Ambiente e Minas van da man. Estamos vendidos!”.

Nova lei

A Plataforma engade que en decembro está previsto aprobar no Parlamento galego unha Lei que simplifica os procedementos administrativos das empresas para iniciar a súa actividade. Coa nova normativa se reducen, ou se suprimen, os tramites para aprobar as Declaracións de Impactos Medioambientais o que beneficiaria a Toysal, obrigados a presentar un novo plan de restauración.

Ante este horizonte o colectivo veciñal denuncia que  “Como o anterior Plan de restauración onde o recheo dunha canteira íase facer con lixo non cumpría a legalidade o que fan agora é cambiar a Lei para que o novo plan si a cumpra. Para reactivar a economía din que reducen burocracia pero o que fan é desprotexer o medio ambiente e os dereitos da cidadanía”.

A Plataforma non descartan próximas mobilizacións aínda que saben que a situación de confinamento favorece á empresa e prexudica a capacidade de movemento da veciñanza.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial