Presentado o III Premio Fina Casalderrey de literatura infantil

0

Compostela, 19 de xaneiro do 2021 – Baía Edicións e a Dirección Xeral de Política Lingüística veñen de presentar o III Premio Fina Casalderrey de literatura infantil.

O acto tivo lugar no salón de actos do Pazo de San Roque e contou coa presencia de, Valentín García, secretario xeral de Política Lingüística, a propia escritora, Fina Casalderrey, e Belén López de Baía edicións.

Durante a presentación o representante autonómico explicou que o Goberno galego apoia esta iniciativa co fin de promover entre as novas xeracións “a igualdade de xénero e a lectura en galego, pero tamén para contribuír a que a lingua propia de Galicia siga acompañando sempre os valores máis democráticos e máis positivos da sociedade”.

Neste sentido, Valentín García fixo tamén referencia a Fina Casalderrey, autora que lle dá nome ao premio, e á súa traxectoria “sempre comprometida con estas tres cousas: a literatura infantil e xuvenil, a lingua galega e os valores de igualdade”

Prazo ata o 8 de marzo

Os autores e autoras que queiran participar neste certame terán ata o 8 de marzo, Día Internacional da Muller, para presentar orixinais escritos en galego de non máis de 5.000 caracteres que atendan ao concepto de literatura infantil, non sexista e coeducativa e que introduzan elementos críticos que cuestionen o modelo social sexista dominante.

A resolución do xurado darase a coñecer o 1 de xuño de 2021 e a obra gañadora, que será publicada por Baía Edicións, recibirá 2.500€.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial