Propoñen introducir o mercado de Padrón no casco urbano

0

Padrón, 3 de decembro do 2020 – O BNG de Padrón presentou no último pleno un ambicioso plan para o mercado que incluiría amplialo ao casco urbano.

As ideas nacionalistas non chegaron nin a ser debatidas xa que a urxencia da moción foi rexeitada polo equipo de goberno. Non é a primeira vez que o BNG leva a pleno ideas para revertir o que consideran unha situación de “total abandono”.

Un proxecto de reactivación

O proxecto do BNG propón actuacións a curto, medio e longo prazo e a participación de todos os sectores implicados. Outro dos eixes é o deseño dun regulamento que garanta dereitos e deberes e evite o intrusismo e as irregularidades nos postos.

Os nacionalistas propoñen un impulso específico dos postos de verduras e froitas locais cara a produción ecolóxica, produtos de tempada e situados en lugares concretos. A comunicación coas parroquias máis afastadas do concellos e potenciar o tren son outras das medidas suxeridas.

Mercado complementario no casco urbano

Para o BNG o mercado de Padrón “é vida social, económica e cultural” e consideran que “introducir o mercado no casco urbano con postos cunha oferta complementaria ao comercio local supón unha oportunidade de ampliar contido, implementar actividades e campañas especiais incluso cunha regularidade distinta segundo as épocas do ano”.

Mellora da recollida de residuos

Finalmente os nacionalistas explican que o proxecto debe ir “obrigatoriamente acompañado dun plan medioambientalmente responsable que promocione o uso de alternativas aos plásticos e que xestione os residuos dun xeito individual e colectivamente responsable”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial