Salvador Lladó presenta en Ames un libro sobre a emerxencia climática

0

Ames, 20 de outubro do 2021 – O concello de Ames retoma a actividade nas bibliotecas coa presentación dun libro sobre emerxencia climática.

Os “Encontros Literarios en Ames” acercarán á vila a Salvador Lladó para falar de “A bolsa ou a vida, o 99% contra a emerxencia climática”, A cita este xoves, 21 de outubro, ás 20:00 no Pazo da Peregrina. 

Os encontros literarios, terán lugar cada dous xoves e enmárcanse no Programa de Animación á Lectura da Biblioteca Municipal de Ames, dirixido a público adulto. A entrada é libre e gratuíta até completar aforo. Para este trimestre está prevista a presenza de Emma Pedreira, Alfredo Conde e Xosé Luis Santos Cabanas.

Emerxencia climática

A primeira sesión celebrarase o 21 de outubro. Estará protagonizado por Salvador Lladó e o seu estudo “A bolsa ou a vida, o 99% contra a emerxencia climática”, publicado por Catro Ventos Editora.

Salvador é doutor en microbioloxía ambiental e biotecnoloxía pola Universidade de Barcelona e nesta obra presenta, dunha forma clara, didáctica e amena, diferentes perspectivas da actual crise ecolóxica: desde a causa central que sitúa na necesidade imperiosa de medrar do noso sistema económico, até o principal síntoma, a emerxencia climática, posta ademais aquí en relación coa pandemia da covid-19, e toda unha serie de propostas políticas (ecosocialismo, Green New Deal, decrecemento…) que nacen da necesidade de lle pór freo a un ritmo de produción e destrución da natureza sen precedentes.

A presentación de Salvador Lladó será telemática. O autor estará en Catalunya, namentres que no pazo da Peregrina estarán os seus acompañantes: O profesor amesán Manuel Casal, prologuista da obra que é un dos referentes galegos no movemento polo decrecemento, autor de varios blogs e artigos sobre a materia, colaborador de El Salto Diario e editor da Revista 15/15/15, referente estatal das propostas decrecentistas, e Patricia Buxán, tradutora e editora de Catro Ventos, unha editorial especializada en temas relacionados co medio ambiente, a economía social e a educación. Estarán tamén presentes a concelleira de Cultura, Natividade González e o concelleiro de Medio Ambiente, Manuel Lens.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial